Халқ депутатлари Янгиқўрғон туман Кенгаши депутати Юлдашев Турсунпўлат Ҳакимбекович томонидан Тошкент маҳалласида маҳалла еттилиги аъзолари билан суҳбат ўтказилди.

Учрашув давомида маҳаллада амалга оширилаётган ишлар, аҳоли бандлигини таъминлаш, тадбиркорликни ривожлантириш ҳамда ижтимоий ҳимоя йўналишидаги фаолият атрофлича ўрганилди.

Жумладан, маҳалладаги ҳоким ёрдамчисининг фаолияти, иш билан таъминланган фуқаролар сони, тадбиркорликка йўналтирилган аҳоли ва бу борада амалга оширилаётган чора-тадбирлар юзасидан фикр алмашилди. Шунингдек, аҳолининг даромад манбаини ошириш, ишсиз фуқароларни касб-ҳунарга йўналтириш ва уларни доимий бандликка жалб қилиш масалалари ҳам муҳокама қилинди.

Шу билан бирга, ижтимоий ходимнинг маҳалладаги фаолияти ҳам ўрганилиб, ногиронлиги бўлган фуқаролар билан олиб борилаётган ишлар, уларга кўрсатилаётган ижтимоий ёрдам турлари, манзилли кўмак ва қўллаб-қувватлаш чоралари юзасидан маълумотлар олинди.

Ўрганишлар жараёнида маҳалладаги мавжуд муаммолар, аҳолини қийнаётган масалалар ва уларни бартараф этиш юзасидан амалий таклифлар ҳам кўриб чиқилди. Бу каби ўрганишлар ҳудудда аҳоли муаммоларини жойида аниқлаш, уларга ечим топиш ва маҳалла тизими фаолияти самарадорлигини янада оширишга хизмат қилади.