Deputat o’z saylov okrugida saylovchilar bilan uchrashdi • 7

17-Bog’isaydon saylov okrugi deputati H.Aslonov fuqarolar bilan uchrashuvda qatnashdi. Uchrashuvda kommunal xizmatlar, suv ta’minoti, yo’llar, elektr energiyasi, ishsizlik, ta’lim va tibbiyot sohasidagi muammolar ko’rib chiqildi. Har bir masalaga tadbirlar belgilangan. Uchrashuv samimiy va konstruktiv o’tdi, fuqarolar muntazam aloqalar o’rnatishni qo’llab-quvvatladi.

17-Bog’isaydon saylov okrugi deputati H.Aslonov hamda Halq deputatlari Romitan tuman Kengashi bosh mutaxassisi Sh.Tog’ayev  17-Bog’isaydon saylov okrugida istiqomat qiluvchi fuqarolar bilan navbatdagi uchrashuvni tashkil etdi. Mazkur uchrashuv aholi bilan bevosita muloqot o’rnatish, ularning muammo va takliflarini o’rganish hamda joylardagi haqiqiy holatni chuqur tahlil qilish maqsadida o’tkazildi. Uchrashuvda turli yosh toifasiga mansub fuqarolar, nuroniylar, xotin-qizlar va yoshlar faol ishtirok etdi.

Uchrashuv davomida aholi tomonidan ko’tarilgan masalalar atroflicha muhokama qilindi. Xususan, kommunal xizmatlar sifatini oshirish, ichimlik suvi ta’minoti, yo’llar holati, elektr energiyasi uzilishlari, ishsizlikni kamaytirish, yoshlarni bandlikka jalb etish, ta’lim va tibbiyot sohasidagi mavjud muammolar yuzasidan bir qator taklif va murojaatlar bildirildi. Har bir masala deputat tomonidan diqqat bilan tinglanib, ularni hal etish bo’yicha aniq chora-tadbirlar belgilab olindi.

Deputat o’z nutqida aholi manfaatlarini himoya qilish, ularning turmush farovonligini oshirish doimiy e’tibor markazida ekanini ta’kidladi. Shuningdek, ayrim muammolarni joyida hal etish maqsadida mutasaddi tashkilotlar vakillari bilan hamkorlikda ish olib borilishi, zarur hollarda yuqori tashkilotlarga murojaat qilinishi ma’lum qilindi.

Uchrashuv jarayonida ayrim masalalar joyidayoq ijobiy hal etilib, tegishli mutasaddilarga aniq topshiriqlar berildi. Qolgan murojaatlar esa nazoratga olinib, ularning ijrosi yuzasidan tizimli ishlar amalga oshirilishi qayd etildi. Fuqarolarga murojaat qilish tartibi, ularning huquq va imkoniyatlari haqida ham tushuntirishlar berildi.

Uchrashuv samimiy, ochiq va konstruktiv ruhda o’tib, aholi vakillari o’z fikr va mulohazalarini erkin bildirish imkoniga ega bo’ldilar. Fuqarolar deputat bilan bunday uchrashuvlar muntazam o’tkazib turilishini qo’llab-quvvatlab, bu kabi muloqotlar joylardagi muammolarni o’z vaqtida aniqlash va bartaraf etishda muhim ahamiyat kasb etishini ta’kidladilar.

Yakunda deputat barcha bildirilgan taklif va murojaatlar albatta e’tibordan chetda qolmasligi, ularning ijrosi qat’iy nazoratga olinishini ma’lum qildi. Bu kabi uchrashuvlar aholi ishonchini mustahkamlash, davlat organlari va fuqarolar o’rtasidagi ochiqlik va shaffoflikni ta’minlashda muhim o’rin tutishi alohida qayd etildi.