Xalq deputatlari Termiz tuman Kengashining navbatdagi doimiy komissiyasi yig‘ilishi bo‘lib o‘tdi.

Yig‘ilishda Termiz tuman hokimi Sh.Kalandarov tomonidan O‘zbekiston Respublikasi Prezidentining 2025-yil 24-dekabrdagi “Surxondaryo viloyatining salohiyati va imkoniyatlaridan to‘liq foydalanish bo‘yicha qo‘shimcha chora-tadbirlar to‘g‘risida”gi PQ-386-son qarorining tumandagi ijrosi yuzasidan hisoboti tinglandi.

Unda mazkur qaror doirasida hududning iqtisodiy salohiyatini yanada oshirish, investitsiya loyihalarini kengaytirish, yangi ish o‘rinlari yaratish hamda infratuzilmani rivojlantirish borasida amalga oshirilayotgan ishlar atroflicha yoritildi. Shuningdek, mavjud imkoniyatlardan samarali foydalanish, aniqlangan muammo va kamchiliklarni bartaraf etish yuzasidan tegishli chora-tadbirlar belgilab olingani ta’kidlandi.

Yig‘ilish davomida deputatlar tomonidan bildirilgan taklif va mulohazalar asosida ushbu qaror ijrosini yanada jadallashtirish, belgilangan vazifalarni o‘z vaqtida va sifatli bajarish yuzasidan tegishli topshiriqlar berildi.