Xalq deputatlari Shovot tumani Kengashi deputati I.Masharipov tomonidan tegishli tashkilot rahbarlari ishtirokida Qirg‘oqbo‘y mahallasi hududdagi ko‘p qavatli uylarning holati atroflicha o‘rganildi.

🔍 O‘rganish davomida quyidagi holatlar aniqlandi:

• Ayrim uylarning podʼezdlari ta’mirtalab holatda ekani, devor va shiftlarda nosozliklar mavjudligi;

• Yerto‘lalarda namlik va sanitar holat talab darajasida emasligi;

• Atrof hududlarda tozalikka to‘liq rioya qilinmayotgani, chiqindilar o‘z vaqtida olib chiqilmasligi;

• Kechasi yoritish tizimida muammolar borligi, ayrim joylarda umuman yoritish yo‘qligi.

✅ Shu bilan birga, ijobiy jihatlar ham qayd etildi:

• Ayrim uylarda boshqaruv kompaniyalari tomonidan joriy ta’mirlash ishlari olib borilgan;

• Hududning ma’lum qismlarida tozalik ishlari yo‘lga qo‘yilgan;

• Aholiga qulaylik yaratish maqsadida ayrim infratuzilma ishlari amalga oshirilgan.

🛠 Masala yuzasidan mas’ullarga topshiriqlar berildi:

• Podʼezd va yerto‘lalarni ta’mirlash va sanitar holatini yaxshilash;

• Atrof hududlarda doimiy tozalikni ta’minlash;

• Yoritish tizimini to‘liq tiklash va nazoratni kuchaytirish;

• Boshqaruv kompaniyalari faoliyati samaradorligini oshirish.

📌 Mazkur masalalar yuzasidan ishlar nazoratga olindi va aniq muddatlar belgilab berildi.

👉 Hududda munosib yashash sharoitlarini yaratish barchamizning umumiy vazifamizdir.