Dastlab, Samarqand shahar hokimligi hamda mahalladagi homiylar ko‘magida yangidan bunyod etilgan mahalla markazi faoliyati ko‘zdan kechirildi. Shuningdek, bu yerda mahalla xodimlari uchun yaratilgan zamonaviy shart-sharoitlar bilan yaqindan tanishildi.

E’tiborga molik jihati — mahalla “yettligi” a’zolari uchun alohida xizmat xonalari, “Nuroniylar xonasi” hamda zamonaviy dizayn asosida qurilgan majlislar zali mavjudligi alohida qayd etildi.

 Tashrif davomida hududdagi mavjud muammolar ham atroflicha o‘rganilib, tahlil qilindi. Jumladan:

 Jo‘ra Zokirov ko‘chasidagi 4 ta yaroqsiz holatga kelgan simyog‘ochdagi elektr tarmoqlarini beton ustunlarga o‘tkazish zarurligi

 Ko‘chada o‘rnatilgan, ammo foydalanilmayotgan 3 ta beton ustunni olib tashlash lozimligi aniqlandi

 Ma’lum bo‘lishicha, ushbu masala yuzasidan mahalla raisi Sh. Jumayev tomonidan tegishli tashkilotlarga bir necha bor murojaat qilingan. Muammoni tez orada hal etish bo‘yicha va’dalar berilgan bo‘lsa-da, hozirga qadar amaliy natija kuzatilmagan.

 Aniqlangan kamchilik va muammolarni bartaraf etish yuzasidan deputatlar tomonidan tegishli chora-tadbirlar ishlab chiqilib, deputatlik so‘rovlari orqali qat’iy nazoratga olindi.

 Hududlardagi muammolarni joyiga chiqib o‘rganish va ularni tizimli hal etish ishlari izchil davom etmoqda.