Olmaliq shahar "Toshkent" mahallasida navbatdagi deputatlik o‘rganishi o‘tkazildi. Unda Xalq deputatlari Olmaliq shahar Kengashi kotibiyat mudiri Sevara Qodirova hamda deputat Muhiddin Abdullayev ishtirok etishdi.

O‘rganish davomida mahalladagi hayotiy muhim masalalar atroflicha ko‘zdan kechirildi:

🏗 Obodonlashtirish va yo‘llar: Hududdagi umumiy obodonlashtirish ishlari va ichki yo‘llarning joriy holati tahlil qilindi;

🏢 BSKlar faoliyati: Boshqaruv servis kompaniyalari tomonidan ko‘p qavatli uylarga ko‘rsatilayotgan xizmatlar sifati o‘rganildi;

🌱 "Yashil makon": Loyiha doirasida ekilgan daraxtlarning parvarishi, ularni sug‘orish tizimi va irrigatsiya tarmoqlarining sozligi tekshirildi.

O‘rganish yakunida mahalla raisi bilan birgalikda aniqlangan kamchiliklar muhokama qilinib, ularni qisqa muddatda bartaraf etish bo‘yicha tegishli tavsiyalar va ko‘rsatmalar berildi.