21-"Мирдош" сайлов округи депутати вакант бўлганлиги сабабли Халқ депутатлари туман Кенгаши котибият мутахассиси Т.Ярашев Мирдош маҳалла фуқаролар йиғинида жойлашган 31-оилавий
поликлиникаси фаолияти ўрганилди. Ташриф давомида муассасанинг кундалик иш жараёни, тиббиёт ходимларининг хизмат вазифаларини бажариш ҳолати, беморларга кўрсатилаётган тиббий хизмат сифати атрофлича кўздан кечирилди. 

Шунингдек, поликлиникадаги моддий-техника базаси, мавжуд жиҳозлардан самарали фойдаланиш, дори-дармон таъминоти ҳамда ҳужжатлар юритилиши ҳолати ўрганилди. Тиббиёт ходимлари билан суҳбат ўтказилиб, уларнинг фикр-мулоҳазалари тингланди, иш жараёнида учраётган муаммо ва камчиликлар аниқланди. 

Беморлар учун яратилган шароитлар, қабул жараёнидаги қулайликлар ва санитария-гигиена талабларига риоя этилишига алоҳида эътибор қаратилди. Аниқланган камчиликларни бартараф этиш, тиббий хизмат
сифатини янада ошириш ҳамда аҳолига кўрсатилаётган хизматлар самарадорлигини яхшилаш юзасидан тегишли тавсиялар берилди. 

Мазкур ўрганиш ишлари соҳада очиқлик ва самарадорликни таъминлаш, аҳоли саломатлигини муҳофаза қилиш ҳамда тиббий хизматлар сифатини янги босқичга олиб чиқишга хизмат қилади.