25-“Лангар” сайлов округидан сайланган
депутат Исломов Аҳмад Ҳайдарович ҳамда туман Кенгаши котибияти мудири Одилов
Ўткир Раззоқович томонидан Олтинсой маҳалла фуқаролар йиғинида фуқаролар
мурожаатлари жойида ўрганилди. 

Жараён давомида аҳоли томонидан
кўтарилган масалалар диққат билан тингланиб, уларнинг ҳар бири бўйича аниқ
ҳолат ўрганилди. Мурожаатлар асосан йўллардаги ёритиш чироқларини таъмирлаш ва
янгиларини ўрнатиш, шунингдек, чиқиндиларни ўз вақтида олиб чиқиш ҳолатини
яхшилаш масалаларига қаратилган бўлиб, уларни ҳал этиш юзасидан тегишли
мутасаддиларга аниқ топшириқлар берилди. 

Айрим муаммолар жойида бартараф этилган
бўлса, қўшимча ўрганиш талаб этувчи масалалар назоратга олиниб, уларнинг
ижросини таъминлаш бўйича масъул ташкилотлар билан ҳамкорликда ишлар олиб
борилиши белгиланди.