3-“Тамабахрин” сайлов округидан сайланган
депутат Ибодова Туйбиби Зулфиқоровна Тамабахрин маҳалла фуқаролар йиғини
ҳудудида жиноятчиликка қарши курашиш ҳолати буйича ўрганиш ишларини олиб борди.  

Ушбу жараёнда ҳудуддаги ҳуқуқбузарликлар
динамикаси, уларнинг келиб чиқиш сабаблари ҳамда профилактика ишларининг
самарадорлиги атрофлича таҳлил қилинди. 

Айниқса, “қизил” ва “сариқ” тоифага
киритилган ҳудудларда жиноятчиликни бартараф этиш, хавф омилларини камайтириш,
аҳоли хавфсизлигини таъминлаш борасида амалга оширилаётган чора-тадбирларга
алоҳида эътибор қаратилди. Масъул идоралар, ҳуқуқни муҳофаза қилувчи органлар
ва маҳалла фаоллари билан мулоқотлар ўтказилиб, мавжуд муаммолар ва уларнинг
ечимлари юзасидан фикр алмашилди. 

Шунингдек, ёшлар ўртасида
ҳуқуқбузарликларнинг олдини олиш, бандликни таъминлаш, ижтимоий ҳимояга муҳтож
оилалар билан манзилли ишлаш ҳамда аҳолининг ҳуқуқий онги ва маданиятини ошириш
бўйича амалга оширилаётган ишлар таҳлил қилинди. Ўрганишлар якунида соҳадаги
ишларни янада такомиллаштириш, профилактик тадбирларни кучайтириш ва мутасадди
ташкилотлар ўртасидаги ҳамкорликни мустаҳкамлаш бўйича тегишли таклиф ва
тавсиялар берилди.