24-«Ангидон» сайлов округидан сайланган депутат
Рахмонбердиев Азизбек Зарифович Халқ депутатлари Хатирчи туман Кенгаши
депутатлари томонидан ўз сайлов округларида сайловчилар билан учрашувлар
ўтказиш бўйича тасдиқланган режа-жадвалга мувофиқ, Ангидон маҳалла фуқаролар
йиғинида аҳоли билан навбатдаги учрашувни ташкил этди. 

Учрашув давомида депутат томонидан ўтган давр
мобайнида амалга оширилган ишлар, ҳудудни ижтимоий-иқтисодий ривожлантириш,
аҳоли фаровонлигини оширишга қаратилган чора-тадбирлар юзасидан батафсил
маълумот берилди. 

Шунингдек, фуқароларни қийнаётган долзарб масалалар,
жумладан коммунал хизматлар сифатини яхшилаш, йўл инфратузилмасини
такомиллаштириш, иш билан таъминлаш ва ижтимоий қўллаб-қувватлаш масалалари
муҳокама қилинди.   

Тадбир давомида сайловчилар ўз таклиф ва
мурожаатларини билдириб, уларнинг ҳар бири депутат томонидан диққат билан
тингланди.  

Кўтарилган муаммоларни ҳал этиш юзасидан тегишли
ташкилотлар билан ҳамкорликда амалий чоралар кўриш бўйича вазифалар белгилаб
олинди.