🔹Xalq deputatlari Bekobod tumani Kengashi deputati U.Rahimjonov Ziyoli mahallasiga tashrif buyurdi. Mazkur tashrifdan ko‘zlangan asosiy maqsad hududdagi ijtimoiy soha, xususan, aholiga ko‘rsatilayotgan tibbiy xizmatlar sifati va ularning o‘z vaqtida yetkazilishini o‘rganishdan iborat bo‘ldi.

🔹Tashrif davomida mahalla aholisi bilan bevosita muloqot o‘tkazilib, ularning sog‘liqni saqlash tizimi faoliyati yuzasidan fikr va mulohazalari tinglandi. Fuqarolar tomonidan bildirilgan murojaatlar, mavjud muammolar hamda takliflar atroflicha o‘rganildi. Ayniqsa, birlamchi tibbiy yordam ko‘rsatish, dori-darmonlar bilan ta’minlash, shifokorlar malakasi va tibbiyot muassasalarining moddiy-texnik bazasi holatiga alohida e’tibor qaratildi.