Besarang mahalla fuqarolar yig‘ini hududidagi Farg‘ona kanali ustidan o‘tuvchi ko‘prikning asfalt qismida yuzaga kelgan yoriqlar aholi tomonidan ko‘plab murojaatlarga sabab bo‘lmoqda. Ushbu holat ko‘prikdan harakatlanayotgan avtotransport vositalari uchun noqulayliklar tug‘dirib, asfalt qoplamadagi chuqurliklar transport vositalariga zarar yetkazish, shuningdek harakat xavfsizligiga tahdid solib, yo‘l-transport hodisalari sodir bo‘lish xavfini oshirmoqda.

Mazkur muammoni bartaraf etish maqsadida tuman Kengashi deputati T. Soliyev tomonidan Toshloq tuman Avtomobil yo‘llari pudrat korxonasiga deputat so‘rovi yuborildi.