O‘rganish jarayonida 13-Angor saylov okrugi hududidagi “Markaz” hamda “Qadimiy Angor” mahallalarida istiqomat qiluvchi fuqarolarning suyultirilgan gaz ta’minotidagi uzilishlar yuzasidan kelib tushgan murojaatlar mutaxassislar ishtirokida joyiga chiqqan holda atroflicha tahlil qilindi.Aniqlangan muammolarni bartaraf etish yuzasidan “Angor tumangaz” bo‘limi tomonidan zaruriy choralar ko‘rilib, aholiga yangi tizimdan foydalanish tartiblari bo‘yicha tushuntirish ishlari olib borildi hamda yuzaga kelgan dasturiy nosozliklar to‘liq bartaraf etildi. Sizning deputatlik so‘rovingizda ko‘tarilgan masala yuzasidan ijobiy natijaga erishilib, 2026-yil 1-aprel kunidan boshlab “Markaz” va “Qadimiy Angor” mahallalariga suyultirilgan gaz yetkazib berish jarayoni to‘liq qayta yo‘lga qo‘yildi hamda tizimning barqaror faoliyati ta’minlandi.