Xalıq deputatları rayonlıq Keńesine XDP partiyasınan deputat Jaliev Qabılbek Abdiganievich 8-sanlı mektep pitkeriwshi jasları menen ushırasıw ótkerdi. 

Ushırasıwda jaslardıń keleshektegi kásip tańlaw máseleleri, rejeleri, joqarı oqıw orınlarına kiriw imkaniyatları hám mámleketimizde jaslar ushın jaratılıp atırǵan imkaniyatlar haqqında pikir alısıldı.

Deputat óz sózinde jaslar - eldiń keleshegi ekenin atap ótip, olardı jaqsı bilim alıwǵa, zamanagóy kásip-ónerlerdi iyelewge hám jámiyetlik turmısta belsendi bolıwǵa shaqırdı. Sonday-aq, mektepti bitirip atırǵan jaslarǵa durıs kásip tańlaw, óz qábiletin kórsetiw hám elimizdiń rawajlanıwına úles qosıw boyınsha usınıslar berildi.

Ashıqtan-ashıq sáwbetlesiw tárizinde ótken ushırasıwda jaslar ózlerin qızıqtırǵan sorawlarına juwaplarr aldı.

Bunday ushırasıwlar jaslardı qollap-quwatlaw, olardıń pikir hám baslamaların tıńlawda úlken áhmiyetke iye.