Xalq deputatlari Zarbdor tuman Kengashiga 15-Nurafshon saylov okrugidan saylangan deputat Buvsara Karabekova tomonidan hududlardagi transport infratuzilmasi holati tahlil qilinmoqda va o‘rganilmoqda.

🔍O‘rganishlar natijasida "Nurafshon" MFYdagi quyidagi ko‘chalarning jami 560 metr qismi shag‘allashtirilmay, tuproq yo‘l holatida qolib ketganligi aniqlandi:

📍Turkiston ko‘chasi – 360 metr;

📍Yashnaobod ko‘chasi – 110 metr;

📍Ko‘kdala ko‘chasi – 90 metr.

Yog‘ingarchilik mavsumida ushbu ko‘chalarda suv to‘planib, loy bo‘lishi natijasida fuqarolar va avtotransport vositalari harakatlanishida jiddiy muammolar yuzaga kelmoqda. Mazkur holat yuzasidan hududda yashovchi aholi tomonidan ham murojaatlar kelib tushgan.

✅ Yuqoridagilardan kelib chiqib, yo‘llarni shag‘allashtirishda amaliy yordam berish va muammoni bartaraf etish yuzasidan tuman Obodonlashtirish boshqarmasi boshlig‘i O.Xolmonovga rasmiy deputat so‘rovi yuborildi.

Mazkur masala deputat tomonidan nazoratga olindi.