Uchrashuvda deputat tomonidan ayollarni ishbilarmonlik va tadbirkorlikka keng jalb etish, ularning ijtimoiy-siyosiy faolligini oshirish, shuningdek, jamiyatdagi rolini mustahkamlash muhim omil ekanligi haqida soʻz yuritildi.

Bundan tashqari, Oʻzbekiston Respublikasi Prezidenti tomonidan ilgari surilgan 5 ta muhim tashabbusning beshinchi yoʻnalishi xotin-qizlar bandligini taʼminlashga qaratilgani, hamda “Xotin-qizlarning mehnat huquqlari kafolatlarini yanada kuchaytirish va tadbirkorlik faoliyatini qoʻllab-quvvatlashga oid chora-tadbirlar toʻgʻrisida”gi qarori qabul qilingani bu borada olib borilayotgan ishlarning ustuni ekanligi taʼkidlab oʻtildi.

Shuningdek, tadbirkor ayollar S.Yusupova, F.Musajonova, A.Dineva tomonidan eng faol va tashabbuskor tadbirkor ayollar loyihalari doirasida tuman va shahar miqiyosida boʻlib oʻtgan koʻrik tanlovlarda munosib oʻrin egallab, 30 dan ortiq xotin-qizlarni ish bilan taʼminlab, 100 dan ortiq shogirdlarga ega ekanliklarini maʼlum qilishdi. 

Uchrashuv yakunida deputat tomonidan ayollar bandligini taʼminlash ularni kasb-hunarga oʻrgatish borasida olib borilayotgan tizimli ishlar va chora-tadbirlar doimiy tarzda amalga oshirilishini maʼlum qildi.