Ochiq muloqotda tumandagi yoshlar bilan ochiq va samimiy muloqot tashkil etildi. Unda Kengash raisi tomonidan yoshlarni qiynab kelayotgan masalalar, ularning taklif va tashabbuslari tinglandi.

Muloqot davomida taʼlim sifati va imkoniyatlari, yoshlar bandligini taʼminlash, tadbirkorlikni qoʻllab-quvvatlash, sport va madaniy faollikni rivojlantirish yoʻnalishlarga alohida eʼtibor qaratildi.

Muloqot davomida yoshlar oʻz fikr-mulohazalari, takliflari va muammolarini ochiq bayon qilib, amaliy yechimlar yuzasidan takliflar berishdi va Kengash raisi va tuman faollari tomonidan har bir murojaat eʼtibor bilan qayd etildi hamda tegishli tashkilotlar bilan hamkorlikda hal etish boʻyicha vazifalar belgilandi.

Oʻrganish yakunida Kengash raisi A.Gafurov yoshlarimizning tashabbuslari, gʻoya va takliflari juda muhim ekanligi va ular bilan doimiy muloqotda boʻlish, muammolarini oʻrganish va amaliy yordam berish hamda ijtimoiy-siyosiy faolligini oshirish ustuvor vazifalardan biri ekanligini belgilab oʻtdi.