Xalq deputatlari Pastdarg‘om tuman Kengashi deputati N. Allayorova tomonidan Ilm mahallasi “mahalla yettiligi” faoliyati o‘rganildi. O‘rganish jarayonida mahallalarda olib borilayotgan ijtimoiy, ma’naviy-ma’rifiy hamda profilaktik ishlar tahlil qilinib, mavjud muammolar va ularning yechimlari yuzasidan fikr almashildi.

Shuningdek, “mahalla yettiligi” a’zolarining o‘zaro hamkorligi, aholining muammolarini o‘z vaqtida aniqlash va hal etish borasidagi sa’y-harakatlariga alohida e’tibor qaratildi. Fuqarolar bilan ishlash samaradorligini oshirish, yoshlar va xotin-qizlarni qo‘llab-quvvatlash, ijtimoiy himoyaga muhtoj oilalarga manzilli yordam ko‘rsatish masalalari muhokama qilindi.

O‘rganish yakunida faoliyatni yanada takomillashtirish, mavjud kamchiliklarni bartaraf etish bo‘yicha tegishli tavsiyalar berildi. Mahalla tizimini mustahkamlash orqali aholi farovonligini oshirish ustuvor vazifa ekani ta’kidlandi