Xalq deputatlari Paxtakor tuman Kengashi deputati Andayev Axmad tomonidan deputatlik so‘rovi yuborildi.

Paxtakor tumani Toshkent mahallasi Sh.Rashidov ko‘chasidan, yangidan qurilgan plyajga olib boruvchi yo‘lda, Paxtakor mahallasidan keluvchi avtomobillar harakati kesishgan qismda ustuvorlik noaniqligi kuzatilmoqda. Bu holat yo‘l-transport hodisalari xavfini oshirib, aholi uchun noqulaylik tug‘dirmoqda.

Shuningdek, Paxtakor mahallasi ichki yo‘llarida tezlikni cheklovchi belgilar yetarli emas va 1- va 12-sonli maktablar oldidagi piyodalar o‘tish joylari xavfsizligi kafolatlanmagan.

Shu sababli, ushbu muammolarni bartaraf etish uchun tegishli tashkilotlarga rasmiy ko'rsatma berish va javobini 10 kun muddatdan kechikmagan holda deputatga taqdim etish yuzasidan deputatlik so'rovi yuborildi.