G.V.Plexanov nomidagi Rossiya iqtisodiyot universitetining Toshkent filialida “Samarali menejer maktabi” hamda “Menejer” talabalar ilmiy to‘garagi doirasida “Yilning eng samarali yetakchisi” tanlovi bo‘lib o‘tdi.

Mazkur tanlov “XXI asr mahallasi: tarixiy ildizlardan raqamli va barqaror rivojlanish sari” mavzusiga bag‘ishlanib, O‘zbekistonda Yoshlar kuni hamda 2026-yil “Mahallani rivojlantirish va jamiyatni yuksaltirish yili” munosabati bilan tashkil etildi.

Tanlovda Xalq deputatlari Yakkasaroy tumani Kengashi 8-Obod saylov okrugi deputati Tuxtayev Baxtiyor Baxodirovich hakamlar hay’ati a’zosi sifatida ishtirok etdi.

🔹 Ishtirokchilar bir necha bosqichlarda o‘z bilim va ko‘nikmalarini sinovdan o‘tkazib, yetakchilik, kreativlik hamda boshqaruv qobiliyatlarini namoyon etdilar.

🔹 Tanlov natijalariga ko‘ra “Prime Mahalla” jamoasi g‘oliblikni qo‘lga kiritdi. Jamoa sardori Zuhra Rasulova esa “Yilning eng samarali yetakchisi” deb e’tirof etildi.

💬 Tadbir yakunida professor Nodira Zokirova mahallaning jamiyatdagi o‘rni, uning zamonaviy va raqamli rivojlanishdagi ahamiyatini alohida ta’kidlab o‘tdi.