Xalq deputatlari Yakkasaroy tumani Kengashi 5-To‘quvchilar saylov okrugi deputati Xusainov Abdixalik Nabiyevich tomonidan 2026-yil 27-mart kuni yuborilgan 20-ds-420-26-son deputat so‘rovi asosida hududda aniqlangan muammo ijobiy hal etildi.

Mazkur so‘rov Yakkasaroy tumani hokimining qurilish, to‘siqlarsiz muhit yaratish, kommunikatsiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari — tuman Obodonlashtirish boshqarmasi boshlig‘i A.A.Vaxabovga yo‘llangan bo‘lib, unda “Boshliq” mahallasi Qushbegi ko‘chasida, mahalla arkasidan Salor kanaliga qadar olib borilgan qurilish-ta’mirlash ishlari natijasida yo‘lning ayrim qismida asfalt qoplamasining jiddiy cho‘kishi yuzaga kelgani qayd etilgan edi.

🔍 Deputat tomonidan ko‘tarilgan mazkur masala tegishli tashkilotlar tomonidan o‘rganilib, muammo bartaraf etish yuzasidan amaliy choralar ko‘rildi.

🔹 Natijada nosoz holatga kelib qolgan yo‘l qismi qayta ta’mirlanib, yangi asfalt qoplamasi yotqizildi hamda yo‘l infratuzilmasi to‘liq tiklandi.

🚧 Amalga oshirilgan ishlar hudud aholisi uchun qulay va xavfsiz harakatlanish imkoniyatini yaratdi, yo‘l sifatini sezilarli darajada yaxshiladi.

🤝 Deputatlik so‘rovlarining o‘z vaqtida ko‘rib chiqilishi va muammolarning amaliy hal etilishi fuqarolar manfaatlarini ta’minlashda muhim ahamiyat kasb etadi.