Aholiga ko‘rsatilayotgan farmatsevtik xizmatlar sifatini o‘rganish maqsadida xalq deputatlari Pastdarg'om tuman Kengashi deputati D.Mardonova tomonidan mavjud dorixonalar faoliyati joyiga chiqib o‘rganildi. 

 O‘rganishlar davomida dorixonalarda dori vositalarining mavjudligi, ularning narxlari, saqlash sharoitlari, sifati hamda aholiga xizmat ko‘rsatish madaniyatiga alohida e’tibor qaratildi. Shuningdek, dori vositalarini sotishda belgilangan tartib-qoidalarga rioya etilishi, dorixonalarning litsenziya hujjatlari va sanitariya talablariga muvofiqligi ham ko‘zdan kechirildi. 

 Ayrim dorixonalarda dori-darmonlar xili yetarli emasligi, ayrim hollarda esa narx-navo masalalari bo‘yicha aholi e’tirozlari mavjudligi aniqlandi.

 Deputat tomonidan aholini sifatli dori vositalari bilan ta’minlash, farmatsevtika sohasida shaffoflikni ta’minlash, xizmat ko‘rsatish darajasini yaxshilash bo‘yicha chora-tadbirlarni kuchaytirish zarurligi ta’kidlandi.