💧 Aholini ichimlik suvi bilan ta’minlash holati o‘rganildi.

👩‍💼 Xalq deputatlari tuman Kengashining 22-Boburtepa saylov okrugi deputati Z.Xudoyberdiyeva tomonidan Boburtepa MFY hududida istiqomat qiluvchi aholining ichimlik suvi bilan ta’minlanish darajasi atroflicha o‘rganildi. Mazkur o‘rganish O‘zbekiston Respublikasining O‘RQ-784-son Qonuni talablari asosida amalga oshirilib, aholi uchun sifatli va xavfsiz ichimlik suvi yetkazib berish masalalari ko‘rib chiqildi.

🔍 O‘rganish jarayonida hududdagi mavjud suv ta’minoti infratuzilmasining texnik holati, ichimlik suvi bosimi va uzluksizligi, suv sifatining sanitariya meyorlariga muvofiqligi batafsil tahlil qilindi. Shuningdek, fuqarolar bilan bevosita muloqot o‘tkazilib, ularning mavjud muammolar, taklif va mulohazalari tinglandi.

📊 O‘rganish yakunlari bo‘yicha aniqlangan kamchiliklarni bartaraf etish maqsadida mas’ul tashkilotlarga aniq topshiriqlar berildi. Jumladan, eskirgan tarmoqlarni bosqichma-bosqich yangilash, suv bosimini me’yorlashtirish, sifat nazoratini kuchaytirish hamda aholining murojaatlari bilan ishlash tizimini takomillashtirish bo‘yicha chora-tadbirlar belgilandi.

🌱 Aholini toza va sifatli ichimlik suvi bilan ta’minlash — bu nafaqat muhim ijtimoiy vazifa, balki har bir fuqaroning sog‘lig‘i va farovon hayoti uchun zarur omildir.