Mahallalarda aholi va bolalar uchun sport inshootlari holati o‘rganildi.  

️Pop tumani Uyg‘ur mahallasida joylashgan maktablar hamda mahalla hududidagi sport maydonchalarini holati tuman Kengashi deputati U. Sayfiddinova tomonidan o‘rganildi.   

O‘rganish jarayonida 4-sonli umumta’lim maktabida o‘quvchilar uchun yaratilgan sharoitlar, xususan sport zali va to‘garaklar faoliyati ko‘zdan
kechirildi. Maktabda yoshlarning sport bilan muntazam shug‘ullanishi uchun ma’lum darajada sharoitlar yaratilgan. 

  Shuningdek, hududda joylashgan mini stadionning holati qoniqarsiz ekanligi aniqlandi. Mazkur sport maydonchasi qarovsiz ahvolda, tadbirkor
tomonidan o‘zlashtirib olingan. Bu esa yoshlarning bo‘sh vaqtini mazmunli o‘tkazishi va sport bilan shug‘ullanish imkoniyatlarini cheklamoqda. Maktab o‘qituvchilari tomonidan 4-maktab hovlisidagi bo‘sh maydondan samarali foydalanish maqsadida yangi mini stadion qurish taklifi bildirildi.  

  Ushbu holat yuzasidan tegishli tashkilotlar e’tiborini qaratish hamda mavjud muammoni bartaraf etish bo‘yicha kelishib olindi.