Xalq deputatlari Toshloq tuman Kengashi deputati M.Meliboyev Yuqori qishloq mahalla fuqarolar yig‘inida bo‘lib, O‘zbekiston Respublikasi Prezidentining 2026-yil 5-fevraldagi “2026-yilda hududlarni yangicha yondashuvlar asosida rivojlantirish orqali aholi daromadlarini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori yuzasidan mahalla yettiligi vakillari bilan uchrashuv o‘tkazdi.

Uchrashuv davomida hokim yordamchisi ishtirokida mazkur qarordan kelib chiqib, hududda ishsizlik va kambag‘allik darajasini kamaytirish, aholini doimiy ish o‘rinlariga joylashtirish, fuqarolarni daromad keltiruvchi faoliyatga jalb etish, xizmatlar ko‘lamini kengaytirish hamda kambag‘al oilalarni qo‘llab-quvvatlash orqali ularning daromadlarini oshirish masalalari muhokama qilindi.