"Hayallar dápteri"ne kiritilgen hayal-qızlar mashqalalı máseleleri úyrenildi.

Xalıq deputatları Bozataw rayonlıq Keńesi 11-sanlı “Aspantay” okrugi deputatı "ÓzLiDeP" saylanǵan deputat G.Jumanazarova hám rayon hákiminiń shańaraq hám hayal-qızlar máseleleri boyınsha orınbasarı A.Xojageldieva menen birgelikte "Hayallar dápteri"ne kiritilgen hayal-qızlar menen ushırasıw ótkerildi.
Ushırasıwda jamiyette hayal-qızlardıń ornı, olardıń sociallıq jaǵdayın jaqsılandırıw, bilim alıwı, jumısqa ornalasıwı hám olardı hár táreplema qollap-quwatlaw máseleleri keńnen dodalandı.
Sonday-aq, hayal-qızlardıń iskerlik qabiletlerin rawajlandırıw, kásip úyreniwine sharayat jaratıw hám olardıń jámiyetlik belsendiligin arttırıw boyınsha pikirler bildirildi.
Ushırasıw barısında qatnasıwshılar ózlerinıń qızıqtırǵan sorawların berip, turmısqa baylanıstı bir qatar máselelerdi kóterdi.
Ásirese, jumısqa ornalasıw, bilim alıw imkaniyatları, materiallıq qollaw hám sociallıq máseleler boyınsha usınıslar aytıldı.
Hayal-qızlar tárepinen kóterilgen máselelerdi sheshiw boyınsha tiyisli shara kóriw, olardı qadaǵalawǵa alıw hám ámeliy járdem kórsetiw boyınsha, Deputat hám hákim orınbasarı tiyisli taraw wákillerine tapsırmalar beriliw boyınsha kelisip alındı.
Bunday ushırasıwlar hayal-qızlardı qollaw, olardıń múmkinshiliklerin keńeytiw hám jamiyettegi ornın tabıwda áhmiyetke iye ekeni atap ótildi.