Chortoq tumanida ta’lim muassasalarini zamonaviy talablar
asosida yangilash, ularning energiya samaradorligini oshirishga qaratilgan
ishlar izchil davom etmoqda.  

Xususan, tumandagi 8-maktabda energiya tejamkor
texnologiyalarni joriy etish doirasida mukammal ta’mirlash ishlari olib
borilmoqda. 

Tuman kengashi deputati, tuman hokimi Ilhomjon
Sattarov ushbu manzilda bo‘lib, qurilish-ta’mirlash ishlarining holatini o‘rgandi. 

Mas’ullarga
ishlarni belgilangan talablar asosida, sifatli va o‘z vaqtida yakunlash,
shuningdek, energiya samaradorligini ta’minlovchi yechimlarni to‘liq joriy
etish bo‘yicha aniq ko‘rsatmalar berildi.