O‘zbekiston Respublikasi Prezidenti hujjatlari, Oliy Majlis palatalari hamda Hukumat qarorlari, shuningdek, oliy darajadagi tashriflar davomida erishilgan kelishuvlar yuzasidan ishlab chiqilgan “yo‘l xaritalari”da Toshloq tumanini ijtimoiy-iqtisodiy rivojlantirish bo‘yicha belgilangan chora-tadbirlarni manzilli o‘rganish hamda samarali nazoratni ta’minlash maqsadida tegishli ishlar amalga oshirilmoqda.

Mazkur rejalar ijrosini ta’minlash doirasida Xalq deputatlari tuman Kengashi deputati J. Shermatov hamda tuman Kengashi kotibiyati bosh mutaxassisi Sh. Xo‘jamberdiyevlar tomonidan So‘filar mahalla fuqarolar yig‘ini hududida amalga oshirilayotgan ishlar holati o‘rganildi.

Xususan, O‘zbekiston Respublikasi Prezidentining 2025-yil 27-dekabrdagi “2026–2028-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi PQ–393-son qaroriga muvofiq, Toshloq tumani “So‘filar” MFY hududida joylashgan 4-sonli umumiy o‘rta ta’lim maktabini rekonstruksiya qilish ishlari manzilli ro‘yxatga kiritilgan. Hozirgi kunda ushbu loyiha bo‘yicha pudrat tashkilotlarini aniqlash maqsadida tender tanlovlari jarayonlari davom etmoqda.

O‘rganish jarayonida mazkur loyiha doirasida amalga oshirilishi rejalashtirilgan ishlarning holati, tayyorgarlik bosqichlari hamda belgilangan muddatlarda bajarilishini ta’minlash masalalari yuzasidan mas’ullar bilan fikr almashildi.

Shuningdek, rekonstruksiya ishlari boshlanishi bilan qurilish jarayonlarini sifatli tashkil etish, belgilangan texnik talab va me’yorlarga qat’iy rioya qilish, ishlarni o‘z vaqtida yakunlash bo‘yicha tegishli tavsiya va ko‘rsatmalar berildi.