Deputat o‘rganishlari: xizmatlar sifatini oshirishga e’tibor

Deputat, korrupsiyaga qarshi kurashish va xavfsizlik masalalari bo‘yicha doimiy komissiya raisi J. Nosirov Davlat xizmatlari markazida bo‘lib, aholiga ko‘rsatilayotgan xizmatlar sifati, tizimda yaratilgan shart-sharoitlar hamda ish jarayoni bilan yaqindan tanishdi.

O‘rganishlar davomida, ayniqsa, korrupsiya holatlarining oldini olish, shaffoflikni ta’minlash va xizmatlar sifatini yanada oshirishga qaratilgan ishlar tahlil qilindi. Shuningdek, fuqarolar bilan ochiq muloqot o‘tkazilib, ularning xizmatlardan foydalanish jarayonidagi fikr va takliflari eshitildi.

Deputat tomonidan xizmat ko‘rsatishda ochiqlik va adolat tamoyillarini mustahkamlash yuzasidan tegishli tavsiyalar berildi. Bunday o‘rganishlar hududlarda aholiga ko‘rsatilayotgan davlat xizmatlari sifatini yangi bosqichga olib chiqishga xizmat qilmoqda.