O‘zbekiston Respublikasi Prezidentining 2023- yil 21- dekabrdagi PF-209-son Farmoni bilan belgilangan hokim yordamchisining asosiy vazifalari, mahallada tadbirkorlikni rivojlantirish, aholining tadbirkorlik tashabbuslarini qo‘llab-quvvatlash maqsadida ajratilgan kredit va subsidiyalardan maqsadli foydalanishi 25-Baynalminal saylov okrugi deputati X.Kalbayeva tomonidan joyida borib o‘rganildi.

O’rganishlar davomida hududda kichik biznes va xususiy tadbirkorlikni rivojlantirish, yangi ish o’rinlari yaratish, aholini daromadli mehnatga jalb etish borasida amalga oshirilayotgan ishlar tahlil qilindi. Ayniqsa, faoliyatini yangi boshlayotgan tadbirkorlarga yaratilayotgan shart-sharoitlar, kredit va subsidiyalardan foydalanish imkoniyatlari, ularga amaliy yordam ko’rsatish masalalariga alohida e’tibor qaratdi.

Shu bilan birga, xotin-qizlarning tadbirkorlikka jalb etilishi, ularni qo’llab-quvvatlash, kasb-hunarga o’qitish va uy sharoitida daromad topish imkoniyatlarini kengaytirish borasidagi ishlar ham ko’rib chiqildi.

Mahallada xotin-qizlar tomonidan amalga oshirilayotgan kichik biznes loyihalari, xususan, tikuvchilik, qandolatchilik, xizmat ko’rsatish sohalaridagi faoliyatlari o’rganilib, ularni yanada rivojlantirish bo’yicha amaliy takliflar berildi.

Deputat tomonidan tadbirkorlar bilan ochiq muloqot o’tkazilib, ularni qiynayotgan muammolar, xususan, moliyaviy resurslarga yetishmovchilik, bozor topish va ishlab chiqarishni kengaytirishga oid masalalar muhokama qilindi.

Ta’kidlanganidek, tadbirkorlikni qo’llab-quvvatlash, ayniqsa xotin-qizlar faolligini oshirish orqali aholi bandligini ta’minlash va oilalar daromadini ko’paytirish muhim ahamiyat kasb etadi. Bu boradagi ishlar ustidan nazorat kuchaytirilib, amalga oshirilayotgan chora-tadbirlar samaradorligini yanada oshirishga alohida e’tibor qaratildi.