AHOLIGA KO‘RSATILAYOTGAN TIBBIY XIZMATLAR SIFATI O‘RGANILDI. 

Xalq deputatlari Toshloq tumani Kengashi deputati D.Joʼrayeva va O‘zbekiston Ekologik partiyasi Toshloq tumani Kengashi raisi O.Nazirxo‘jayevlar tomonidan Turvat Oilaviy shifokorlik punktida “Ekoreyd” tadbiri o‘tkazildi. 

 Mazkur tadbir davomida aholiga ko‘rsatilayotgan tibbiy xizmatlar holati, sanitariya-gigiyena talablari, ekologik tozalik hamda tibbiy chiqindilar bilan ishlash jarayonlari atroflicha o‘rganildi. OSHP hududida dori-darmonlar saqlanishi va tibbiyot xodimlarining mehnat faoliyati ekologik
talablar asosida tahlil qilindi. 

 Ekoreyd jarayonida sanitariya madaniyatini oshirish bo‘yicha olib borilayotgan ishlar ijobiy baholandi. Shu bilan birga, aniqlangan ayrim kamchiliklar yuzasidan mas’ullarga tegishli tavsiyalar berilib, ularni bartaraf etish bo‘yicha takliflar bildirildi.