Ózbekstan Respublikasınıń 2021 jıl 22 iyuldaǵı 0017-21-sanlı «Ulıwma orta arnawlı hám professional bilimlendiriw mekemelerinde oqıwshılardıń awqatlanıwın shólkemlestiriw sanitariya qaǵıydaları, normaları hám gigiena normativleri»niń orınlanıwı ústinen turaqlı túrde nátiyjeli deputatlıq hám jámiyetshilik qadaǵalawdı alıp barıw boyınsha tapsırmalar berilgen edi. Bunda: 

-mektep hám bilimlendiriw mákemeleri asxanalarında sanitariya qaǵıyları hám gigiena normalarına ámeliy jaqtan boysınıw jaǵdayı; 

-paydalı, toyımlı hám qáwipsiz awqatlanıw sistemasınıń qarar talapları menen sáykes túrde shólkemlestirilgenligi; 

-den sawlıqtı saqlaw hám qadaǵan etilgen azıq-awqat ónimleriniń mektep ishindegi sawda orınlarında satılıwına jol qoyılmay atırǵanılıǵı; 

-azıq-awqat ónimleriniń sıpatı, saqlaw, tayarlaw hám tarqatıw barısındaǵı qáwipsizligi hám shaqqanlıǵı sıyaqlı jónelislerdi úyreniw hám talqılaw jumısların alıp barıw, tiykarlanǵan usınıslar tayarlaw hámde úyreniw nátiyjelerine qarap másele mánisinen kelip shıǵıp, deputatlıq topar tárepinen tiyisli deputatlıq wákillikleriniń biri (deputatlıq sorawı, jámiyetshilik esitiwi, talqılawı, monitoringi, sorawı yamasa ekspertizası)n qollanıw talap etiledi. 

Bugingi sóz etpekshi bolǵan máselemizden kelip shıǵıp Mektepke shekemgi hám Mektep bilimlendiriw bólimi baslıǵı hám tiyisli taraw qánigeleri, deputatlarǵa islenip atırǵan jumısları boyınsha esabatların berdi. 

2025-jıldıń 20-noyabr sánesinen baslap 1-lotta 1-2-4-5-6-7-8-9-10-11-12-13-14-15-sanlı mekteplerdegi 1-4-baslawısh klasslar jámi 1146 oqıwshı, sanitariya gigiena talapları tiykarında hár bir
oqıwshıǵa 6249 sumlıq azıq-awqat ónimleri "OOO Amangeldi Mehriban" juwapkershiligi sheklengen jámiyeti tárepinen jetkerip berilip atır. 

Óz náwbetinde, barlıq pikirler esapqa alınıp, kóterilgen mashqalalarǵa ornında sheshimin tabıw ilajları kóriliwin hámde deputatlıq qadaǵalawǵa alındı.