Xalq deputatlari Marg‘ilon shahar Kengashi deputati N. Hasanova Charogʻon mahalla hududida joylashgan 23-sonli maktabgacha ta’lim muassasasi faoliyatini o‘rgandi. Oʻrganishda bolalar uchun yaratilgan shart-sharoitlar, ta’lim-tarbiya jarayonining tashkil etilishi hamda mavjud imkoniyatlar bilan yaqindan tanishildi.

O‘rganish jarayonida maktabgacha ta’lim muassasasining moddiy-texnik bazasi, tarbiyalanuvchilar uchun yaratilgan qulay va xavfsiz muhit, o‘quv xonalari hamda o‘yin maydonlarining holatiga alohida e’tibor qaratildi. Shuningdek, bolalarning intellektual, jismoniy va ma’naviy rivojini ta’minlashga qaratilgan ishlar yuzasidan muassasa rahbariyati va pedagog xodimlar bilan suhbatlashildi.

Uchrashuv davomida ta’lim sifatini yanada oshirish, mavjud muammolarni bartaraf etish hamda kelgusidagi ustuvor vazifalar yuzasidan fikr va takliflar bildirildi.