Yoshlar xavfsizligi va huquqiy ong — jamiyat barqarorligining muhim omili

Mamlakatimizda voyaga yetmaganlar o‘rtasida giyohvandlik hamda huquqbuzarliklarning oldini olish, yoshlarning huquqiy ongi va mas’uliyatini oshirish davlat siyosatining ustuvor yo‘nalishlaridan biridir. Ta’lim muassasalarida sog‘lom muhitni shakllantirish, jinoyatchilikka qarshi profilaktik chora-tadbirlarni kuchaytirish orqali yosh avlodni har tomonlama yetuk etib tarbiyalashga alohida e’tibor qaratilmoqda.

Shu maqsadda Namangan shahar “Obi hayot” mahalla fuqarolar yig‘ini hududida joylashgan 1-sonli maktabning majlislar zalida o‘quvchilar o‘rtasida giyohvandlik, jinoyatchilik va huquqbuzarliklarning oldini olish masalalariga bag‘ishlangan muhim yig‘ilish o‘tkazildi. Unda 7-Nurafshon saylov okrugidan saylangan Xalq deputatlari Namangan shahar Kengashi deputati Sadikov Sherzod Adilovich, Namangan shahar “Obi hayot” MFY yettiligi hamda 1-sonli XTM profilaktika bo‘yicha katta inspektori, mayor A. Hamrayev ishtirok etdi.