Xalq deputatlari Toyloq tuman kengashi deputati, O‘zbekiston Liberal-demokratik partiyasi vakili Ibrohim O‘rinov tashabbusi bilan aholi sog‘lig‘ini muhofaza qilish va tibbiy xizmat sifatini yanada oshirish maqsadida muhim ishga qo‘l urildi.

       Deputat tashabbusi asosida tumandagi ko‘p tarmoqli markaziy poliklinika uchun qo‘shimcha bino qurish masalasi "Open Budget" dasturiga kiritilib, g‘olib sifatida ma’qullandi. Loyiha qiymati 1,5 milliard so‘mni tashkil etib, u 75 qatnovga mo‘ljallangan qo‘shimcha bino qurishni nazarda tutadi. Ayni vaqtda qurilish ishlari boshlab yuborilgan.

       Shu munosabat bilan jarayonlarni O‘zLiDeP Toyloq tuman kengashi apparat rahbari A. Orzimurodov ham joyiga chiqib o‘rgandi.

       Mazkur tashabbus tumandagi tibbiy xizmatlarni yanada yaxshilash, aholining sifatli tibbiy ko‘rik va davolanish imkoniyatlaridan keng foydalanishini ta’minlashga xizmat qiladi.