Xalq deputatlari Sirdaryo viloyati Kengashi kotibiyati mudiri A.Abduraxmanov hamda Xalq deputatlari Sardoba tumani Kengashi kotibiyati mudiri Q.O‘tayev tomonidan Xalq deputatlari Sardoba tumani Kengashining 2026-yil 31-martdagi VII-27-33-9-127-K/26-sonli qarori ijrosini ta’minlash yuzasidan o‘rganish ishlari amalga oshirildi.
Jumladan, jamoatchilik fikri asosida shakllantirilgan tadbirlarni moliyalashtirish maqsadida tuman mahalliy byudjeti hisobidan shakllangan Sardoba tuman hokimligining “Fuqarolar tashabbusi jamg‘armasi” mablag‘laridan maqsadli va samarali foydalanish holati joyiga chiqqan holda o‘rganildi.
O‘rganishlar davomida Birlik mahallasidagi 2-sonli umumta’lim maktabida amalga oshirilgan ishlar, ajratilgan mablag‘larning maqsadli sarflanishi, qurilish-ta’mirlash ishlarining sifati hamda yaratilgan shart-sharoitlar bilan yaqindan tanishildi.
Shuningdek, mas’ullarga qaror ijrosini o‘z vaqtida va sifatli ta’minlash, byudjet mablag‘laridan samarali foydalanish hamda aniqlangan kamchiliklarni bartaraf etish yuzasidan tegishli tavsiya va ko‘rsatmalar berildi.
Bu kabi o‘rganishlar jamoatchilik nazoratini kuchaytirish, byudjet mablag‘larining shaffof va manzilli sarflanishini ta’minlashga xizmat qiladi.