🔷 Xalq deputatlari Shovot tumani Kengashi kotibiyati mudiri, 24-Gulshan saylov okrugi deputati Masharipov Izzat Masharipovich hamda 1-Komiljon Otaniyozov saylov okrugi deputati Kariyev Mansur Omongaldiyevich tomonidan Shovot tumani "Qirg‘oqbo‘yi" MFY hududidagi 51-son umumiy o‘rta ta’lim maktabini rekonstruksiya qilish ishlari joyiga chiqib o‘rganildi.
🏗 Mazkur loyiha O‘zbekiston Respublikasi Prezidentining PF-223-son Farmoni hamda Xalq deputatlari Shovot tumani Kengashining 2025-yil 30-dekabrdagi VII-18-143-12-177-K/25-son qarori asosida, 2026-yilda hududlarni kompleks ijtimoiy-iqtisodiy rivojlantirish dasturi doirasida amalga oshirilayotgan muhim investitsion loyihalardan biridir.
🏫 Loyiha doirasida "Qirg‘oqbo‘yi" mahallasidagi 51-son umumiy o‘rta ta’lim maktabi zamonaviy talablar asosida rekonstruksiya qilinmoqda. Qurilish-ta’mirlash ishlarining umumiy qiymati 7 milliard 576 million so‘mni tashkil etadi.
✅ O‘rganish davomida qurilish ishlari yakuniy bosqichga yetgani, barcha ta’mirlash ishlari amaldagi davlat standartlari (DST) va belgilangan texnik me’yorlar asosida sifatli bajarilayotgani qayd etildi. Deputatlar tomonidan ishlarning sifati, muddatlarga rioya etilishi hamda qurilish jarayonining borishi yuzasidan tegishli tavsiya va ko‘rsatmalar berildi.
🎓 Ushbu loyiha foydalanishga topshirilgach, maktabda ta’lim olayotgan o‘quvchilar uchun yanada zamonaviy, qulay va xavfsiz ta’lim muhiti yaratiladi. Bu esa yosh avlodning sifatli bilim olishi hamda hudud ta’lim infratuzilmasini yanada mustahkamlashga xizmat qiladi.
🤝 Hududlarda amalga oshirilayotgan bunyodkorlik ishlari, davlat dasturlarining ijrosi hamda ajratilgan mablag‘larning maqsadli va samarali sarflanishi deputatlik nazoratida bo‘lib qoladi.