Xalq deputatlari Taxiatosh tumani Kengashining “Ijtimoiy soha, yoshlar siyosati, madaniyat va sport masalalari bo‘yicha” doimiy komissiyasining navbatdagi yig‘ilishida Yoshlar ishlari bo‘limi boshlig‘i Sh.Jumamuratovning “Yoshlar daftari” jamg‘armasi mablag‘lari hisobidan ajratilgan mablag‘larning sarflanishi yuzasidan axboroti tinglangan edi.

🔍 Mazkur masalaning ijrosi yuzasidan doimiy komissiya a’zolari tomonidan joyiga chiqqan holda o‘rganish ishlari olib borildi.

📋 O‘rganish davomida ajratiladigan mablag‘larning maqsadli sarflanishi, yoshlarni qo‘llab-quvvatlashga qaratilgan tadbirlarning amaliy natijalari hamda mablag‘lardan foydalanish samaradorligi atroflicha tahlil qilindi.

💬 Shuningdek, aniqlangan holatlar yuzasidan mas’ullar bilan fikr almashilib, mablag‘lardan oqilona foydalanish va nazoratni yanada kuchaytirish bo‘yicha tegishli tavsiyalar berildi.

✅ Doimiy komissiya tomonidan amalga oshirilayotgan bunday nazorat tadbirlari ajratilgan mablag‘larning shaffof va maqsadli sarflanishini ta’minlashga xizmat qiladi.