Xalq deputatlari Vobkent tumani Kengashi deputati Olim Baqoyev tomonidan hududlarda Oʻzbekiston Respublikasining 2020-yil 23-sentabrda qabul qilingan “Taʼlim toʻgʻrisida”gi Qonuni (OʻRQ-637-son) mazmun-mohiyatini keng targʻib etish hamda uning ijrosini oʻrganish maqsadida Kosari mahalla fuqarolar yigʻinida targʻibot va oʻrganish ishlari olib borildi.

📣Tadbir davomida mazkur qonunning asosiy maqsadlari, taʼlim sohasida amalga oshirilayotgan islohotlar, fuqarolarning sifatli taʼlim olish huquqlari, uzluksiz taʼlim tizimining afzalliklari hamda taʼlim muassasalari faoliyatiga oid muhim jihatlar haqida batafsil maʼlumotlar berildi.

Shuningdek, fuqarolarning qonun talablarining amaliyotdagi ijrosi, taʼlim muassasalarida yaratilgan sharoitlar hamda mavjud muammolar yuzasidan fikr-mulohazalar tinglandi. Bildirilgan taklif va mulohazalar umumlashtirilib, tegishli tartibda koʻrib chiqish uchun qayd etildi.

📁Mazkur oʻrganish va targʻibot tadbirlari aholining huquqiy madaniyatini yuksaltirish, taʼlim sohasidagi qonunchilik hujjatlarining mazmun-mohiyatini keng jamoatchilikka yetkazish hamda qonun ijrosini taʼminlashga xizmat qilmoqda.

✔️ Xalq deputatlari Vobkent tumani Kengashi deputatlari tomonidan qonun hujjatlari mazmun-mohiyatini aholiga yetkazish va ularning ijrosini nazorat qilish borasidagi ishlar izchil davom ettirilmoqda.