Xalq deputatlari Toshkent viloyati Kengashi deputati Ye.Lyapina, shahar kengashining deputatlari O‘zLideP partiyasi a’zosi F.Mamajonov, shahar kengashi kotibiyati mudiri X.Ibragimova tomonidan shahardagi Madaniyat muassasalari faoliyati o‘rganildi. Bekobod shahar markaziy madaniyat uyi 2022-yilda yalpi ta’mirdan chiqqan bo‘lib, 11 ta to‘garak faoliyat yuritib keladi. Shuningdek, “Nilufar” raqs ansambli, Qo‘g‘irchoq xalq teatri aholiga madaniy xizmat ko‘rsatib oshlarning bo‘sh vaqtini mazmunli tashkil etishga alohida e’tibor qaratilmoqda. Binoning holati ko‘zdan kechirganda bino ichidagi yo‘lakka yotqizilgan plitalarning ayrim qismlari yaroqsiz holatga kelib qolganligi ma’lum bo‘ldi. Smeta xarajatlarida ta’mirlash ishlarini qo‘yish yuzasidan tavsiyalar berildi.