Xalq deputatlari Taxiatosh tumani Kengashining “Korrupsiyaga qarshi kurashish va xavfsizlik masalalari bo‘yicha” doimiy komissiyasining navbatdagi yig‘ilishi bo‘lib o‘tdi. 

👥 Yig‘ilishga komissiya raisi, deputat Galiyev Shamirat Kurbanmiradovich boshchilik qildi. 

🏫 Yig‘ilishda tumanda yangidan qurilgan davlat maktabgacha ta’lim tashkilotlariga yuridik maqom berish masalasi muhokama qilindi. 

📊 Xususan:
▪️ “Yangi makon” QFYdagi 120 o‘rinli 20-sonli DMTT
▪️ “Nurli kelajak” QFYdagi 90 o‘rinli 21-sonli DMTT
▪️ “Keneges” QFYdagi 210 o‘rinli 22-sonli DMTT qurilish ishlari yakunlanib, Davlat qabul komissiyasi tomonidan foydalanishga qabul qilingani qayd etildi. 

🗣 Yig‘ilish davomida tuman hokimligi Yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha bosh mutaxassisi Nurullaev Asadbek Maxsudjon o‘g‘li masala yuzasidan fikr-mulohazalar bildirib, yangi bog‘chalar aholi uchun muhim ijtimoiy ahamiyatga ega ekanini ta’kidladi. 

🏗 Shuningdek, tuman hokimligi qurilish bo‘limi yetakchi mutaxassisi Mansur Yeshchanov tomonidan qurilish ishlari to‘liq yakunlangani va ob’ektlar foydalanishga tayyor holga keltirilgani haqida axborot berildi. 

👥 Yig‘ilishda Maktabgacha va maktab ta’limi bo‘limi mutaxassislari hamda Yoshlar maslahat guruhi a’zolari ham ishtirok etdi. 

📑 Muhokamalar yakunida mazkur ta’lim muassasalariga yuridik maqom berish bo‘yicha tegishli taklif va tavsiyalar bildirildi. 

🌱 Zamonaviy bog‘chalar — bolalar kelajagiga qaratilgan muhim investitsiya!