Mazkur qaror asosida tumanda ijtimoiy soha muassasalari, umumiy ovqatlanish shoxobchalari hamda magistral yo‘l bo‘yidagi jamoat hojatxonalarining sanitariya holatini yaxshilash bo‘yicha tizimli choralar ko‘rilmoqda. Jumladan, 20 ta umumiy ovqatlanish shoxobchasi va 1 ta yoqilg‘i quyish shoxobchasiga mas’ullar biriktirilib, ularga sanitariya me’yorlari asosida faoliyat yuritish bo‘yicha ko‘rsatmalar berilgan.

O‘rganishlar natijasida ayrim maktablar, maktabgacha ta’lim tashkilotlari va tibbiyot muassasalarida hojatxonalarni ta’mirlash va qayta jihozlash zarurligi aniqlangan. Shu bilan birga, magistral yo‘l bo‘yidagi qator obyektlarda ham modernizatsiya ishlari talab etilmoqda.

Kamchiliklarni bartaraf etish yuzasidan tegishli tashkilotlarga ko‘rsatmalar berilib, nazorat tadbirlari davomida qoidabuzarlarga nisbatan ma’muriy choralar ko‘rildi. Ayrim obyektlarda, jumladan “Cashtan” MCHJ, “Gurlan 001” MCHJ, “Sayapir nur metall” MCHJ va “Karavan kafe”da ijobiy natijalarga erishilgan.

Kengash yig‘ilishida mazkur yo‘nalishdagi ishlarni izchil davom ettirish, sanitariya talablariga to‘liq javob beradigan sharoitlar yaratish ustuvor vazifa ekani ta’kidlandi.