Xalıq deputatları rayonlıq Keńesi, 2-sanlı “Erik baǵ” okrugi deputatı, Bozataw rayonı hákimi B.Ubbiniyazov tárepinen, Xalıq qabıllawxanası imaratında rayon turǵınlarınıń múrájatların úyreniw maqsetinde gezektegi jeke tártiptegi qabıllawı ótkerildi.

Qabıllaw dawamında puqaralar tárepinen bántlik, turaq jayın shiferlap beriwde ámeliy járdem kórsetiw, kadastr hámde basqada turmıslıq mashqalalarǵa baylanıslı bolǵan múrájatlar kelip tústi. 

Bunda puqaralar tárepinen bildirilgen hár bir múrájat tiyisli tártipte úyrenilip shıǵıldı hám ayrım múrájatlar sol orınnıń ózinde unamlı sheshim tapqan bolsa, sheshimi waqıt talap etetuǵın múrájatlar qadaǵalawǵa alındı.