Sport infratuzilmasi– yoshlar kamoloti garovi 

 9-Qiziloy saylov okrugi deputati Muminova Nafisa Qiziloy mahallasi hududida
joylashgan 40-sonli umumta’lim maktabida bo‘lib, aholi va bolalar uchun yaratilgan
sport infratuzilmasi holatini o‘rgandi. 

 O‘rganish jarayonida mahallalardagi sport inshootlari, umumta’lim maktabining
sport zallari hamda ulardagi sport anjomlarining mavjudligi va texnik holati ko‘zdan
kechirildi. Bu borada yoshlarning jismoniy tarbiyasi va ommaviy sportni rivojlantirishga
qaratilgan ishlarga alohida e’tibor qaratildi. 

 Xususan, 40-sonli maktabda hozirgi kunda sport zalida ta’mirlash ishlari
olib borilayotgani, yaqin vaqt ichida o‘quvchilar uchun zamonaviy va qulay sport
zali foydalanishga topshirilishi aniqlandi. 

 Mazkur o‘rganishlar O‘zbekiston Respublikasining “Ta’lim to‘g‘risida”gi Qonuni
hamda yoshlar o‘rtasida jismoniy tarbiya va sportni rivojlantirishga qaratilgan
davlat siyosati talablariga muvofiq amalga oshirilmokda.