📌Xalq deputatlari O'rta Chirchiq tuman Kengashining 2026-yil mart oyida amalga oshiriladigan ishlar rejasi

Xalq deputatlari O'rta Chirchiq tuman Kengashi tomonidan tasdiqlangan yillik ish rejasiga muvofiq, mart oyida quyidagi muhim tadbirlar amalga oshirilishi belgilangan:

Hisobotlar va muhokamalar:

✍🏻O‘rta Chirchiq tumanni ijtimoiy-iqtisodiy rivojlantirish hamda ishlab chiqarish infratuzilmasini rivojlantirishga qaratilgan dasturlarga kiritilayotgan loyihalarni ko‘rib chiqish;

(Mas'ul: Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyada hamda tegishliligi bo‘yicha boshqa doimiy komissiyalar)

✍🏻doimiy komissiya yo‘nalishlaridan kelib chiqqan holda, shuningdek, deputatlarning saylovchilar va “mahalla yettiligi” bilan muloqotlari, nazorat-tahlil tadbirlari natijalaridan kelib chiqqan muammoli masalalar yuzasidan so‘rovlarini tayyorlash hamda Kengash sessiyasi muhokamasiga kiritish;

(Mas'ul: tegishliligi bo‘yicha barcha doimiy komissiyalar )

✍🏻O‘rta Chirchiq tuman hokimligi huzuridagi “Infratuzilma va ijtimoiy barqarorlik” jamg‘armasi hamda «Ijtimoiy daftarlar» jamg‘armasi mablag‘larini maqsadli sarflanishini o‘rganish;

(Mas'ul: Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyada hamda tegishliligi bo‘yicha boshqa doimiy komissiyalar)

✍🏻O‘rta Chirchiq tuman davlat kadastr bo‘limlarida korrupsiyani oldini olish va unga qarshi kurashish borasida amalga oshirilayotgan ishlarni o‘rganish va natijasini muhokama qilish;

(Mas'ul: Korrupsiyaga qarshi kurashish va xavfsizlik masalalari bo‘yicha doimiy komissiyada)

✍🏻“Yoshlarga oid davlat siyosati to‘g‘risida”gi qonunning ijrosini o‘rganish hamda natijalarini komissiya yig‘ilishida muhokama qilish;

(Mas'ul: Ijtimoiy soha, yoshlar siyosati, ta’lim, sog‘liqni saqlash, madaniyat va sport masalalari bo‘yicha doimiy komissiya)

✍🏻O‘rta Chirchiq tumanida yerlardan oqilona va samarali foydalanish holatini o‘rganish hamda yakunlarini muhokama qilish;

(Mas'ul: Agrar, suv xo‘jaligi va ekologiya masalalari bo‘yicha doimiy komissiyada)

✍🏻Mahalliy Kengash faoliyati yuzasidan ommaviy axborot vositalari vakillari ishtirokida Kengash faoliyati yuzasidan tahliliy axborotlarni Kengash veb-saytiga joylashtirib borish.

(Mas'ul: tuman Kengashi kotibiyati hodimlari)

✅Kengashning asosiy vazifalari:

- Deputat so‘rovlarga o‘z vaqtida javob berish holatlarini ko‘rib chiqish.

- Deputatlar tomonidan saylovchilar oldida axborot berib borish holatini muhokama qilish.

- O‘zbekiston Respublikasining amaldagi va yangi qabul qilingan qonunlarning targ‘iboti bo‘yicha amalga oshirilgan ishlarni tahlil qilish.

Ushbu tadbirlar mart oyi yakunigacha xalq deputatlari O'rta Chirchiq tuman Kengashida amalga oshirilishi ko'zda tutilgan.