Chilonzor tumani Lutfiy mahalla fuqarolar yig‘inida “Ayollar daftari”ni shakllantirish yuzasidan navbatdagi yig‘ilish bo‘lib o‘tdi.

Yig‘ilishda mahalladagi kam ta’minlangan va ijtimoiy himoyaga muhtoj xotin-qizlarning holati atroflicha o‘rganilib, ularni manzilli qo‘llab-quvvatlash choralari muhokama qilindi. Olib borilgan o‘rganishlar natijasida “Ayollar daftari”ning 2026 yilgi 7-bosqichi doirasida belgilangan 5 ta toifa bo‘yicha jami 215 nafar xotin-qizlar ro‘yxatga kiritildi.

Yig‘ilishda Xalq deputatlari Chilonzor tuman Kengashi deputati Xidiyatullina Rima Rashidovna ham faol ishtirok etib, o‘z saylov okrugida xotin-qizlar bilan olib borayotgan ishlari, ularning muammo va ehtiyojlari haqida ma'lumot berdi.

Deputat tomonidan aholidan kelib tushgan murojaatlar asosida ijtimoiy ko‘makka muhtoj, ish bilan ta’minlash, sog‘liqni saqlash, uy-joy sharoitini yaxshilash va boshqa masalalar bo‘yicha qator muammolar aniqlanib, ularni hal etish yuzasidan tegishli tashkilotlar bilan hamkorlikda ish olib borilayotgani ta’kidlandi.

Shuningdek, Xidiyatullina Rima Rashidovna tomonidan bildirilgan takliflar asosida murojaatlar “Ayollar daftari”ga kiritilib, ularni manzilli hal etish choralari belgilab olindi.