Xalqımızdıń áyyemgi dástúrlerin ózinde jámlegen Nawrız bayramı Qaraózek rayonında kóterińki ruwxta belgilenbekte. 

Xalıq seyili hám milliy taǵamlar jayılıp, milliy xalıq oyınların sáwlelendirgen bayram ilájına Xalıq deputatları rayonlıq Keńesi deputatları da belsene qatnasıp, jańalanıw, jasarıw bayramı menen xalqımızdı qutlıqladı. 

Bayramda kóp jıllardan berli dawam etip kiyatırǵan milliy xalıq oyınları arqan tartıs, qoshqar dúgistiriw, qoraz urıstırıw hám qurda bilegi kúshli palwanlar gúresi shólkemlestirildi.

 Hár bir xalıq oyını tamashagóylerdiń qızǵın qollap-quwatlawları hám quwanıshlı máwritleri astında anıq hám tartıslı túrde ótti. 

Seyil dawamında ruwxıy azıq beriwshi respublikamızǵa belgili qosıqshılardıń shıǵıwları, milliy qosıqlar hám ayaq oyınlar da orın aldı.

Bayram rayonlıq atshabar maydanında at shabıs, ılaq oyınları menen dawam etpekte.