NAZORAT VA MUNOSABAT

Ma’lumki, ijtimoiy tarmoqlarda “Qo‘shko‘pirda 300 yillik tut daraxti yoqib yuborildi” sarlavhasi ostida post qoldirilgan va unda Qo‘shko‘pir tumani Nezaxos mahallasida joylashgan daladagi holat tasvirlangan. 

Jamoatchilikning e’tiroziga sabab bo‘layotgan hamda bugungi kunning dolzarb masalasi ekanligini inobatga olib, xalq deputatlari Qo‘shko‘pir tumani Kengashi deputatlari tomonidan o‘rganish ishlari olib borilmoqda.

Unga ko‘ra xalq deputatlari Qo‘shko‘pir tumani Kengashi raisi M.Tangriberganov, Ekologiya va iqlim o‘zgarishi Xorazm viloyati bosh boshqarmasi Qo‘shko‘pir tumani bo‘limi inspektori Sh.Vafayev, tuman kengashi deputati O.Karimovlar voqea sodir bo‘lgan hududga chiqib, dastlabki tarzdagi o‘rganish ishlarini olib bordilar.

Shuningdek, o‘rganish yuzasidan yakuniy xulosaviy ma’lumotlar tez fursatlarda keng jamoatchilikga taqdim etilishi rejalashtirilgan.