🏗 Hududlarda ijtimoiy infratuzilmani rivojlantirish ishlari o‘rganildi.

📜 O‘zbekiston Respublikasi Prezidentining 2024-yil 20-dekabrdagi “Hududlarda yuqori iqtisodiy o‘sish va aholi bandligini ta’minlashning yangi tizimini yo‘lga qo‘yish hamda bu borada mahalliy hokimliklarning roli va mas’uliyatini oshirish chora-tadbirlari to‘g‘risida”gi PF–223-sonli Farmoni ijrosini ta’minlash maqsadida hududlarda qator amaliy ishlar olib borilmoqda.

📑 Shuningdek, Xalq deputatlari Shovot tumani Kengashining VII-18-143-12-177-K/25-sonli "2026-yilda Shovot tumanini kompleks ijtimoiy-iqtisodiy rivojlantirish dasturi to‘g‘risida” gi qaroriga muvofiq tumanda ijtimoiy soha obyektlarini rivojlantirish, xususan ta’lim muassasalarini yangilash va zamonaviy sharoitlar yaratish borasida keng ko‘lamli qurilish ishlari amalga oshirilmoqda.

🏫 Mazkur qarorga asosan tumandagi “Bunyodkor” hamda “Yangiobod” mahalla fuqarolar yig‘inlari hududida joylashgan 2-son umumiy o‘rta ta’lim maktabini rekonstruksiya qilish loyihasi amalga oshirilmoqda. Loyihaning umumiy qiymati 21 milliard 312 million so‘mni tashkil etib, maktabning loyiha quvvati 1494 o‘ringa mo‘ljallangan.

👥 Ushbu qurilish ishlari jarayonini o‘rganish maqsadida Xalq deputatlari Shovot tumani Kengashi kotibiyati mudiri Izzat Masharipov, Xalq deputatlari viloyat va tuman Kengashi deputati Elyor Dushamov, tuman Kengashi deputati Mansur Kariyevlar obyektga tashrif buyurdilar.

🔎 Tashrif davomida qurilish ishlarining borishi, belgilangan reja-grafik asosida olib borilayotgan ishlar sifati, shuningdek quruvchilar uchun yaratilgan sharoitlar o‘rganilib, mas’ul tashkilotlarga ishlarni sifatli va o‘z vaqtida yakunlash bo‘yicha tegishli tavsiya hamda ko‘rsatmalar berildi.

🤝 Mazkur loyiha amalga oshirilishi natijasida hududdagi o‘quvchilar uchun zamonaviy va qulay ta’lim sharoitlari yaratilishi, ta’lim sifatini yanada oshirish hamda yangi o‘quv o‘rinlari tashkil etilishiga xizmat qiladi.