Farmonobod qishlog‘ida elektr ta’minoti holati o‘rganildi.   

23-Paxtaobod saylov okrugi hududida joylashgan Paxtaobod mahallasida elektr energiyasi ta’minoti hamda aholiga yetkazib berish holati yuzasidan deputat N. Sulaymonov tomonidan joyiga chiqib o‘rganish ishlari olib borildi.

O‘rganish davomida aholi tomonidan kelib tushgan murojaatlar asosida mavjud muammolar atroflicha tahlil qilindi. Xususan, qishloq hududidagi elektr tarmoqlarida foydalanilayotgan ayrim sim yog‘och ustunlari eskirgani va yaroqsiz holga kelgani aniqlandi. Bu esa elektr ta’minotida uzilishlar yuzaga kelishiga hamda xavfsizlik bilan bog‘liq noqulay vaziyatlar paydo bo‘lishiga sabab bo‘lishi mumkin.

Deputat tomonidan aniqlangan kamchiliklarni bartaraf etish, yaroqsiz ustunlarni bosqichma-bosqich yangilash hamda elektr ta’minoti sifatini yaxshilash yuzasidan tegishli mutasaddi tashkilotlarga taklif va tavsiyalar bildirildi. Masala nazoratga olinib, aholi manfaatlarini ta’minlash ustuvor vazifa sifatida belgilandi.